Am ein cwmni
Buddsoddiad a dargedwyd Mae Cyllid Cymru yn darparu cyllid masnachol (dyled ac ecwiti) i fusnesau bach a chanolig ledled Cymru gan eu galluogi i wireddu eu potensial ar gyfer arloesi a thwf. Buddsoddwn mewn busnesau sy’n cychwyn a busnesau cyfnod cynnar ar adeg hollbwysig yn eu cylch oes yn ogystal â buddsoddi yn nhwf busnesau bach a chanolig sydd wedi ymsefydlu. Fel cyllidwr twf masnachol, mae gan Cyllid Cymru ymagwedd hyblyg ond gyda ffocws ac mae’n cymryd rhan mewn nifer cynyddol o gytundebau syndicâd a chyd-fuddsoddiadau. Medrwn strwythuro cymorth buddsoddi yn amrywio o fenthyciad £5,000 i cytundebau ecwiti miliwn o bunnau a mwy. Drwy deilwra ein pecynnau cyllid i bob cytundeb unigol, sicrhawn fod y lefel a’r math cywir o gyllid yn hybu twf y busnes cleient. Rydym hefyd yn gweithio’n agos gyda sefydliadau ariannol sy’n seiliedig yng Nghymru a’r DU a chyflwynwyr busnes i sicrhau buddsoddiad ychwanegol strategol ac wedi’i dargedu. Mae gennym effaith byd-eang - Buddsoddi mewn 1600 o fusnesau bach a chanolig
- Rheoli cronfeydd o fwy na £100 miliwn
- Buddsoddi mwy na £75 miliwn mewn busnesau bach a chanolig
- Ysgogi mwy na £180 miliwn o fuddsoddiad sector preifat
Sefydlwyd Cyllid Cymru yn 2000 ac mae’n is-gwmni i Lywodraeth Cynulliad Cymru ac mae’n gweithredu ar sail masnachol annibynnol. Daw ein cyllid buddsoddi o sectorau preifat a chyhoeddus, yn cynnwys banciau, y Comisiwn Ewropeaidd a Llywodraeth Cynulliad Cymru.
Ein nod yw datblygu cronfeydd sy’n hunangynhaliol a fydd yn cefnogi twf parhaus busnesau bach a chanolig yng Nghymru. Gyda’i bencadlys yng Nghaerdydd, mae gan y cwmni dîm buddsoddi proffesiynol a phrofiadol sy’n gweithio mewn rhwydwaith o swyddfeydd rhanbarthol ledled Cymru. Mae gennym bortffolio eang o fuddsoddiadau ledled de ddwyrain, de orllewin, canolbarth a gogledd Cymru. |
