Portffolio llwyddiannus Cyllid Cymru yn clirio'r bwrdd yng
Ngwobrau MediWales
13 Rhagfyr 2011
Enillodd
cwmnïau portffolio Cyllid Cymru bump o'r chwe gwobr diwydiant yn
6ed Gwobrau MediWales a gynhaliwyd yng Ngwesty Hilton Caerdydd.
Mae'r gwobrau pwysig yn cydnabod rhagoriaeth yn y diwydiant
gwyddorau bywyd.
"Mae gan Cyllid Cymru ymrwymiad i fuddsoddi mewn cwmnïau
arloesol ac mae'n bleser gwirioneddol gweld cynifer o'n cwmnïau
portffolio yn ennill gwobrau eleni. Mae gwobrau MediWales yn uchel
eu bri yn y sector gwyddorau bywyd," esboniodd Steve Smith,
cyfarwyddwr buddsoddiadau cyfnod cynnar Cyllid Cymru.
Gwobr Twf Eithriadol
Cydnabuwyd Biotec Services International am ei
dwf cyson, cynaliadwy, a phroffidiol, gan ennill Gwobr Twf
Eithriadol MediCymru. Galluogodd dau gylch buddsoddi yn gyfanswm o
£900,000 Biotec i dargedu marchnadoedd rhyngwladol newydd, gan
ehangu ei wasanaeth cyflenwadau clinigol i Asia, Israel a'r Deyrnas
Unedig.
Gwobr Beirniaid y Diwydiant
Derbyniodd Calon Cardio Technology Wobr
Beirniaid y Diwydiant am ei driniaeth a fedrai arwain y byd ar
gyfer methiant y galon. Buddsoddodd Cyllid Cymru a Longbow Capital
£1 miliwn mewn pympiau gwaed ymyrrol isel iawn a chost fychan
Calon-Cardio Technology.
Darllenwch fwy am ein buddsoddiad yn Calon
Cardio Technology.
Gwobr Allforio Diwydiant
Enillodd Chromogenex Wobr Allforio'r Diwydiant
am yr ail flwyddyn yn olynol ar ôl canolbwyntio ar strategaeth o
arloesi a thwf yn canolbwyntio ar allforion. Mae'r cwmni o Lanelli
yn cynhyrchu ac yn gwerthu systemau laser a thechnoleg golau ar
gyfer triniaethau coluron a meddygol. Defnyddiodd Chromogenex ein
buddsoddiad o £1.2 miliwn i dargedu materion strategol ac allweddol
newydd yn cynnwys yr Unol Daleithiau, De Affrica, Ewrop ac
Asia.
Darllenwch fwy am ein buddsoddiad yn Chromogenex.
Gwobr Partneriaeth GIG a Diwydiant
Aeth Gwobr Partneriaeth GIG a Diwydiant i Flexicare
Medical am gydweithio i ddatblygu a chynllunio Clo Hall,
sy'n atal disgyblion rhag derbyn cyffuriau yn anghywir. Buddsoddodd
Cyllid Cymru gyfanswm o £550,000 dros y tri chylch ariannu.
Darllenwch fwy am ein buddsoddiad yn Flexicare.
Gwobr Cychwyn Busnes
Enillodd Microvisk Technologies o Sir Ddinbych
y Wobr Busnes Newydd am ddatblygu ei offeryn profi gwaed CoagMax.
Buddsoddodd Cyllid Cymru yn Microvisk yn 2009. Yn 2010, enillodd y
cwmni dros £8 miliwn gan Cyllid Cymru a chonsortiwm cryf o
gydfuddsoddwyr.
Links
www.biotec-uk.com
www.caloncardio.com
www.chromogenex.com
www.flexicare.com
www.microvisk.com