ZooBiotic yn arweinydd byd-eang ar ôl caffael cystadleuydd Ewropeaidd

 

08/06/10

 

ZooBiotic expansion

Mae Cyllid Cymru wedi buddsoddi yng nghaffaeliad ZooBiotic o BioMonde GMbH, ei brif gystadleuydd Ewropeaidd.

 

Mae’r caffaeliad yn galluogi’r cwmni fferylliaeth i sicrhau ei safle fel chwaraewr blaenllaw.

 

“Mae’r caffaeliad yn cadarnhau ein sefyllfa fyd-eang mewn eiddo deallusol ac yn rhoi’r nerth ariannol i ni gwblhau datblygu ein marchnad Ewropeaidd,” meddai Gareth Kempson, Prif Swyddog Gweithredol ZooBiotic. “Bydd hyn yn galluogi ZooBiotic i adeiladu sylfaen gadarn ar gyfer ein hymgyrch ym marchnad Gogledd America.”

 

Ariannwyd y ddêl, sy’n werth miliynau o bunnau, gan Cyllid Cymru a Syr Roger Jones. Darparwyd cyngor ariannol a chyfreithiol gan Gambit a M&A Solicitors o Gaerdydd.

 

Buddsoddiad hirdymor

 

Roedd buddsoddiad cyntaf Cyllid Cymru yn ZooBiotic yn 2005, ar ôl i’r cwmni ddeillio o Ymddiriedolaeth Gwasanaeth Iechyd Gwladol Bro Morgannwg.

 

Ers hynny rydym wedi buddsoddi mewn pum cylch arall yn gyfanswm o £3.1 miliwn yn y cwmni portffolio.

 

Eiddo deallusol arloesol

 

Mae ZooBiotic yn arbenigo mewn therapïau larfaol ar gyfer y sector gofal briw, gan ddefnyddio technoleg arloesol i lanhau ac annog iachâd briw. Mae’r driniaeth gost-effeithlon wedi denu sylw sylweddol ymysg nifer o ddarpar gleientiaid.

 

A yw’ch busnes chi yn barod i ehangu?

 

P’un ai twf organig neu ehangiad drwy gaffaeliad yw’r llwybr gweithredu gorau ar gyfer eich busnes, cysylltwch â ni i ganfod os medrwn eich helpu i gyflawni eich potensial am dwf.