Busnes model?

Bwltin invest: rhifyn 4, 2010

Mae’r model busnes cywir yn hanfodol ac esblygu yn hytrach na newid cyflym yw’r ffordd orau o’i weithredu. Mae hefyd yn golygu fod busnesau yn llai tebygol o fod yn cronni problemau ar gyfer y dyfodol.

“Bu’r amodau economaidd yn anodd yn ddiweddar,” esboniodd Peter Wright, cyfarwyddwr buddsoddi Cyllid Cymru. “Nid yw rhai busnesau wedi’i gwneud hi, ond mae’r rhai a ddaeth trwyddi wedi sylweddoli nad opsiwn yw’r model busnes cywir ond allwedd i’w llwyddiant yn y dyfodol.”

Cyfleoedd yn curo

Gall nifer fawr o ffactorau effeithio ar newidiadau mewn model busnes. Mae angen meddwl yn ofalus i helpu eich cleientiaid i adeiladu model busnes cynaliadwy a’r strategaeth twf cywir i droi’r hyn a ystyrir yn anfanteision i fod yn gyfleoedd gwirioneddol.

“Mae’r busnesau mwyaf llwyddiannus yn esblygu eu modelau busnes yn barhaus,” esboniodd Wright. “Mae’n rhy rhwydd o lawer i fusnesau ddal ati i wneud pethau fel y maent wedi’u gwneud bob amser a diystyru’r potensial ar gyfer eu cynnyrch yn ogystal â chyfleoedd mewn marchnadoedd presennol a newydd.”

Amrywio eich dewis cynnyrch

“Gall amrywio eich dewis cynnyrch fod yn opsiwn deniadol am nifer o resymau,” ychwanegodd Wright. “Yn aml gall busnesau fanteisio o arbedion maint, ymelwa ar allu dros ben a thyfu eu refeniw a’u helw.”

Buddsoddodd Cyllid Cymru nifer o gylchoedd yn Camre Cymru, prif gwmni annibynnol y DU ar gyfer alldeithiau i bobl ifanc. Defnyddiodd Camre Cymru fuddsoddiad o £710,000 gan Cyllid Cymru i sicrhau cofrestriad ATOL ac esblygu ei fodel busnes drwy ddarparu alldeithiau byr yn ogystal â rhai hir. Mae’r cwmni wedi cynyddu ei refeniw, cwtogi ei gylch gwerthiant a goresgyn natur gynhenid dymhorol ei farchnadoedd allweddol.

Ymelwa ar farchnadoedd newydd

Mae’n aml fanteision cost ac effeithiolrwydd clir i ymelwa ar botensial newydd mewn marchnadoedd presennol a bu Cyllid Cymru yn gweithio gyda nifer o fusnesau a’u cynghorwyr i ystyried hyn a strwythuro pecynnau buddsoddi addas.

Defnyddiodd Ramp Industries, cyflenwr i sector awyrofod y DU, fuddsoddiad o £150,000 gan Cyllid Cymru i sefydlu uned gweithgynhyrchu newydd. Bydd y cwmni’n awr yn defnyddio’r galluedd ychwanegol hwn i ehangu ei ddewis gwasanaethau ac ymelwa ar farchnadoedd newydd a phresennol yn y DU.

Cymryd golwg ryngwladol

Gall marchnadoedd domestig cynyddol lawn, nerth y bunt neu botensial mwy o alw ei gwneud yn werth ehangu i farchnadoedd rhyngwladol. Efallai bod llai o gystadleuwyr mewn marchnad o’r fath neu medrant fod â photensial ar gyfer mwy o elw a chyfle i sicrhau arbedion maint.

“Rydym wedi gweithio gyda nifer o fusnesau i strwythuro pecynnau cyllid addas i’w helpu i esblygu eu modelau busnes. Drwy fod yn uchelgeisiol, gall busnesau wirioneddol gyflymu eu cynlluniau twf a throi anfanteision tybiedig yn gyfleoedd go iawn”, meddai Wright.