Buddsoddi yn y diwydiannau creadigol

 

Mae Cronfa ED Creadigol Cymru yn trawsffurfio cynhyrchu ffilm, teledu, cyfryngau newydd a cherddoriaeth yng Nghymru.

 

Mae Cyllid Cymru’n rheoli’r Gronfa ED £10 miliwn ar ran Llywodraeth Cynulliad Cymru. Mae’r Gronfa ED yn gweithredu fel cyllidwr bwlch, gan weithio gyda chyllid yr ydych wedi’i sicrhau eisoes gan ddarparwyr cyllid eraill.

 

Gwneud Cais i Gronfa ED Creadigol Cymru

 

Mae Cronfa ED Creadigol Cymru yn gweithredu ar sail fasnachol. Fel arfer medrwn fuddsoddi rhwng £50K a £700K mewn unrhyw un brosiect. I wneud cais mae’n rhaid i chi ddangos:

  • eich bod wedi sicrhau o leiaf 60% o’ch cyllideb o ffynonellau eraill
  • bod gan eich prosiect fudd economaidd i Gymru; rhaid gwario cyfran o’ch cyllideb yng Nghymru
  • bod gennych gynnig masnachol gyda chymhareb risg/gwobr rhesymol
  • bod gennych lwybr i’r farchnad, os oes modd gyda dosbarthydd neu asiant gwerthu yn barod.

Nod y Gronfa

 

Mae Cronfa ED Deallusol Cymru yn rhan o strategaeth Llywodraeth Cynulliad Cymru ar gyfer y diwydiannau creadigol yng Nghymru. Mae’r Gronfa ED yn anelu i:

  • sicrhau adenillion ar ei buddsoddiadau
  • cynyddu gweithgaredd cynhyrchu yng Nghymru
  • annog cwmnïau cynhyrchu Cymru i fod yn gystadleuol
  • cefnogi cynhyrchwyr, gan eu helpu i greu a chadw eiddo deallusol
  • datblygu sgiliau ac annog hyfforddiant ar y swydd
  • cynyddu mewnfuddsoddiad i Gymru